.

Тошкент тиббиёт академияси Термиз филиали томонидан жорий йилнинг 11 апрель куни Термиз шаҳридаги “Матбуот уйи”да “Клиникагача бўлган фанларнинг тиббий таълимдаги ўрни. Илғор хорижий тажрибалар” номли халқаро илмий−амалий анжуман бўлиб ўтди. Ўтказилган мазкур анжуман доирасида тиббиёт ҳодимлари соҳани ривожлантириш, аҳолининг репродуктив саломатлигини мустаҳкамлаш, қолаверса тиббиёт ҳодимларини ўқитишда хорижий тажрибаларни қўллашнинг самарали жиҳатлари ҳақида сўз юритишди.

Тошкент тиббиёт академияси Термиз филиали профессор-ўқитувчилари ва талаба-ёшларининг “Велоспортда сайр куни”га бағишланган спорт машғулоти бўлиб ўтди 

Ўзбекистон Республикаси Президентининг 2018 йил 18 декабрдаги “Юқумли бўлмаган касалликларнинг профилактикаси, соғлом турмуш тарзини қўллаб қувватлаш ва аҳолининг жисмоний фаоллиги даражасини ошириш чора-тадбирлари тўғрисидаги”ги ПҚ-4063-сонли қарори ижросини таъминлаш мақсадидаЎзбекистон Республикаси Соғлиқни сақлаш вазирлиги томонидан 2019 йил 30 март куни республикада “Велосипедда сайр куни” куни деб эълон қилинди.

Шу муносабат билан Тошкент тиббиёт академияси Термиз филиали профессор-ўқитувчилари ва талабалардан команда тузилиб ушбу спорт мусобақасида муносиб иштирок этди.

Велосипедда ҳар куни маълум масофани забт этиш, — дейди иштирокчилардан бири — Одамнинг иммуниал тизимини ҳам мустаҳкамлайди. Тўқималарни эрта кунда ўлиб кетишдан асрайди. Инсон ўзини сергак ҳис эта бошлайди. Тери ҳам ажинлар тушиш жараёнини ҳадеганда бошдан кечира бошламайди. Бир сўз билан айтганда, велосипед сайри ҳар қандай одамнинг қариш жараёнини секинлаштириш учун хизмат қилади. Аммо бир шарт билан. Одамлар тамаки маҳсулотлари ва спиртли ичимликлар истеъмол қилмасликлари керак.

Дарвоқе, бир гапни айтиб ўтмоғимиз жоизки, Агар сиз кашандалик ва спиртли ичимликлар истеъмолидан халос бўла олмаётган бўлсангиз, шифокорга қатнаб овора бўлманг. Велосипед сотиб олинг-да, ҳар куни камида 10 километр масофага сайр уюштиринг. Чекишни ҳам, ичишни ҳам босқичма-босқич ташлаб юборганингизни сезмай қоласиз.

Филиалда профессор-ўқитувчилар ва ходимлар орасида жисмоний тарбия ва спортни оммалаштириш муҳим вазифалардан бири ҳисобланади. Чунки спорт кишилар саломатлигини мустаҳкалаш, баркамол авлодни тарбиялашда асосий омилдир. Спорт юксак маданият, ватанпарварлик туйғуларини шакллантиришда ҳам муҳим ўрин тутади.