Prezident Surxondaryoga tashrifi

Шавкат Мирзиёйев Сариосиёдаги Шарғун кўмир конида олиб борилаётган ишлар билан танишди

Шавкат Мирзиёйев Сариосиё туманидаги Шарғун кўмир конида олиб борилаётган ишлар билан танишди. Бу ҳақда Президент матбуот хизмати маълум қилади.

Шарғун кўмири сифатининг юқорилиги, захираси кўплиги билан бошқалардан ажралиб туради. Бугунги кунда бу йерда 2017—2020-йилларга мўлжалланган 105,5 миллион долларлик лойиҳа амалга оширилмоқда. Хитой билан ҳамкорликдаги ушбу лойиҳа натижасида 2021-йилдан бошлаб бир йилда 900 минг тонна тошкўмир қазиб олинади. 600 та иш ўрни яратилади. “Ўзбекенерго” аксиядорлик жамиятининг Aнгрен ва Янги-Aнгрен иссиқлик електр стансиялари, семент заводлари, аҳоли ва бошқа истеъмолчиларга тошкўмир йетказиб бериш кўпаяди.

Aйни пайтда коннинг асосий захираси томон туннел қазиб борилмоқда. Ҳозиргача 2 километрдан зиёд шундай йўл қурилди. Яна 1,5 километрдан сўнг, 33 миллион тонналик асосий кўмир захирасига йетиб борилади.

Давлат раҳбарига Сурхондарё вилоятида тошкўмир қазиб чиқаришни ривожлатиришнинг асосий йўналишлари ҳақида маълумот берилди.Шу йернинг ўзида “Шарғункўмир” аксиядорлик жамиятини модеризация қилиш, Бойсун ва Шеробод туманларидаги конларда кўмир қазиб чиқаришни ташкил етиш, Сариосиё тумани ва Шарғун шаҳарчасини 2019—2020-йилларда ижтимоий-иқтисодий ривожлантириш лойиҳалари тақдимоти ҳам ўтказилди.