TOSHKENT TIBBIYOT AKADEMIYASI TERMIZ FILIALI JAMOASI “OTCHOPAR”DA O‘TKAZILGAN “NAVRO‘Z” UMUMXALQ BAYRAMIDA ISHTIROK ETISHDI

     2019 yil 17 mart kuni Termiz tumanidagi “Otchopar”da o‘tkaziladigan “Navro‘z” umumxalq bayrami munosabati bilan Toshkent tibbiyot akademiyasi Termiz filiali professor-o‘qituvchilar,  ishchi – xodim, talaba–yoshlari bir necha kun  davom etgan tayyorgarlik ishlarida faol ishtirok etishdi.

     Filial jamoasi o‘zlari uchun ajratilgan hududda milliy qadriyatlarimizni ifoda etadigan, atrof-muhitni, ona zaminni asrab-avaylashga, bugungi tinch, erkin va farovon hayotni qadrlab, uni himoya qilib yashashga chorlaydigan  ma’naviy-ma’rifiy tadbirlarni tashkil etishni rejalashtirishgan.

    Bayramni urf-odatlarimizga ko‘ra qo‘rg‘onlar barpo etilib, o‘tovlar o‘rnatildi. Termiz shahri, tumanlar hokimliklari, yirik korxona va tashkilotlar, oliy ta’lim muassasalarining qo‘rg‘onlari o‘tmish va bugunni aks ettiruvchi turli osori-atiqalar va vohada ishlab chiqarilayotgan mahsulotlar namunalari bilan bezatildi.

    Viloyat xotin qizlar qo‘mitasi raisi M.U.Qobilova viloyatdagi turli tashkilot va tumanlar tomonidan qurilgan qo‘rg‘onlar va ulardagi bayram dasturlarini ko‘zdan kechirar ekan, filial jamoasi tomonidan tashkil etilgan bayram tadbirlariga yuqori baho berdi.

     “Otchopar”dagi amfiteatr sahnasida viloyatdagi badiiy havaskorlik jamoalari, folklor-etnografik ansambllari, bolalar musiqa va san’at maktablari o‘quvchilarining chiqishlari, shuningdek, poytaxtdan tashrif buyurgan el ardog‘idagi san’atkorlar, yoshlar tomonidan ijro etilgan xalq og‘zaki ijodi termalaridan namunalar, ona-vatanni, tinchlikni, obod va ozod yurtimizni madh etuvchi kuy-qo‘shiqlar barchaga quvonch ulashdi.

Yil dasturi
Card image cap

Saytdan izlash
Ro`yxatdan o`tish
Ishonch telefoni

+99876-223-47-14

Ijtimoiy tarmoqlar
Kun fotosi
abutr
TIJ
852147963
789632145